Ka West Jaintia Adventure & Cycling Association (WJACA) da lehwarom ko ya ka World Bicycle Day chirup waka World Environment Day haka 4 tarik unu u bnai.
Ya ini i lehwarom da pynman ha Meghalaya Police 3rd Battalion, Sahpsein heiwa da thung leh hadooh 100 tylli ki tre dieñ.
Ya ka yalang ha kani ka sngi da pynlai da u B. Shylla uwa man u President ka WJACA hei emlang u John Sangma, u sahep pulit kani ka thaw wei da yoh leh i klam na u W. Khonglah uwa man u Volunteer ka NYKS.
U L. Challam uwa man u Vice President ka WJACA da e u ya ki kyntien khublei.
