Li ujor ki 12 Dorbar Chnong Joint Action Committee cha ka Municipal ia i rukom noh jhep ha rood wah Mynkjai

Jowai: Ki nongchong chnong ka Mustem, Chkenpyrsit, Iongnoh, Muphlang, Pynthor Langteiñ wa kiwi ki chnong kani ka thain ynne ka sngi da li ujor ki cha u CEO ka Jowai Municipal Board (JMB) ia i rukom noh jhep ka JMB ha Pohsatakhap (Jowai-Dawki road)

kawa da ktah chiboon ia ki nongchong chnong.

Da ong ki, ka municipal pynjoor ko dei thang beit ia i jhep, khlem leh iyi iyi iwa man hygienic lane pynemkam da ki stat saian ha i rukom treat ia i jhep. Kani da ktah ko ia ka lyer riñ mynsien ki bru iong kini ki chnong hawa ka lyer da rah ko ia i sma tung sma tdem iwa da man bih cha waroh kini ki chnong. Ki nongchnong chnong ka Muphlang wa jan tam na kini ki thaw ong ki da wanrah ki leh ia ki phare da ki hajar tylli na kani ka thaw nohjhep cha ki yung sah ki kiwa ye rah ki kjut wa boonjait. Kiwi tawan leh da ong ki i kjut pynhiar, ki sooh-ot da joor bha ka neidaw kani ka thaw noh jhep.

Ia kani ka wah Mynkjai kawa em harood kani ka thaw noh jhep leh da pynkylla bih iaka. Ki dakha wa em haka waroh da iap ki. Da chem da ki klong waki plastik ha ki thaw iong ki doh waroh chilynter kani ka um. Da ong ki ini i thaw noh jhep da ktah ko ia ka rep ka riang, ki khloo ki kjam wa kamjooh ia i long ka khyndaw ki. Kamjooh leh ini i jhep da ktah i ia ki tyllong umdih kini ki chnong wa em cha jan ini i thaw noh jhep.

Related posts

Da khut Tender wow chna noh ya ka Iawmusiang Market Complex

November 21, 2024

Pyntikna u Wailad wa da phah yei tyrwa cha ka sorkar pyrdi wow chna thaw puræ Nurse ha Mukhla

November 21, 2024

Ki trok kit jhep leh ong ki kiwa ymjooh tymmoh ki ia i jhep wei hap ki cha luti syngkien wa lai ki. Kamjooh hadien wa dep noh jhep ki da sait iaki trok kit jhep cha ki thaw umdih iong kini ki chnong kiwa em charood surok.

Da khana chooh chooh ki wa ia kani ka thaw nohjhep ym em u kem ker ia ka. Ini da elad ki ia ki masi wa ri ki u li psiah chapoh ini thaw nohjhep wei da em kiwa iap ha i diñ ha i por wa thang jhep ka municipal. Kamjooh em kiwa iap na ki kjut wa ioh ki dei wa bam ia kini ki jhep wa da man bih. Da ong ki leh wa kam wa Environmental Protection Act 1986 ini ki rukom noh jhep da man be-aiñ i. Kamjooh leh da booh jingkylli wa da dep ioh ki ne ym em ia ka jingbit naka State Pollution Control Board.

Kani ymtoh ka sien nyngkong wa da li ujor kani ka sein cha ka JMB. Ha ka 31 tarik u October 2013 da dep li ujor cha ka JMB, tangwa ym em leh ko  iyi iyi hei iatoh wa ini.