Jowai : Ka ri-loom Jaiñtia man ko ka ri kawa da kyrkhu da ki blai ki syiem liang wanang, khamtam ki thaw uiñke pyngngaad neibhah ha kylleiñ yong ka em ki thaw kiwa pynchoohbiej ya kiwa boon waroh chi snem.
Kawi na kini ki thaw kiwa riñ da ki hajar ngut kiwa uiñ suwari na kylleiñ ki jylla wa na baar ri, kani ka thaw toh ka ka wah Myntdu ha ki bynta wa kai ko ha Treriat (Syntu Ksiar).
Ini i bynta ka wah Myntdu kylla dur i katkam ki samoi wa lai wa wan, nei stem ksiar ha ki samoi tlang cha i yirngam klow ha ki samoi lyuir wei ha kani ka samoi chei lieh tyrchiah rupa.
Ki rood ka wah Myntdu chisien chi snem ha u Naikhynde-Naichiphaw lieh tyrchiah rupa ki neibhah wa mih u syntu-phlang uwa lieh uwa tyrchiah kam i rupa.
Toh leh ha kini ki tayaw wa miat bha u lai cha Treriat neibhah du ha kini ki tayaw wa phooh kini ki syntu-phlang ha tymbud ki rood ka Myntdu.
Ya uni u syntu-phlang ymtip kammon khut ki oo hei yong Pnar wei he ktien phareng da tip kam u Chinese Silver Grass.
Discussion about this post