Hadien wa da nang joor chooh chooh i yakhih ha Bangladesh iwa da pynbor ya ka Sheikh Hasina wow hiar chuki ko kam ka Prime Minister ka ri heiwa da yut ko cha India neidaw wa da wan toor ki paidbah cha i thaw sah ko.
Ynne i janmiet da poor ki Video wa psiah yabor ki paidbah cha i yung yong ka Hasina heiwa da baam ki leh ya ki baam wa da em ha ini i yung ko iwa em ha nongbah Dhaka wei ki paidbah da lai psiah ki leh hapoh ka Parliament.
Da mih leh ki Video wa pynyoo yei chah lute ini i yung heiwa ki paidbah da rah ki ya ki Saree, ki TV wa kiwi de wei mar wa sy’at dor, da em leh uwa da thiah ha ka palong ka Prime Minister, da em leh kiwa yimpa wei chong lien ha ka nan wa em ha kani ka thaw.
Da em leh kiwa tympiah tympra ya kiwa da em ha kani ka yung wei ki paidbah da ku ki cha i tnoom yung yow kaweh ya ka lama ka ri Bangladesh.
Katkam wa man katni, u Chief of Army Staff, u General Waqar-uz-Zaman da pynbna u wa ya ka Bangladesh u synchaar da ka sorkar wa chipor donhi.
Discussion about this post