Lyndet ka tnat PHE ya ka chnong Sohmynting, WJH

Jowai: Ka Dorbar Chong Sohmynting, West Jaiñtia Hills District, kawa man ka chnong wa ya ka umbaam umdih yong ka Jowai Water Supply Scheme da 

pynlai lyngba kani ka chnong na ka wah Mynngot, da pynsñiaw ko yei sñiawsih neibhah wa ka tnat PHE da lyndet ko ya ka chnong ha kiwa boon ki bynta neibhah wa ym em ye ko wow ksoh ya ka soskular wa da yasoi wa ka Dorbar Chnong nadooh ki phaw snem nachwa.

Hajrong ini neiliang ka Dorbar Chnong da ong ko wa hei sakhiat dadep e sñiawbha ko cha ka tnat PHE ya i thaw wa kynjoh da ki klur tyngka wei da dai leh ya ki dieñ kseh la kamwa 12 snem nachwa da i yooluti wa daw chna smat ko ya ki yung krehkaam, ki quater wa emkaam neibynta kiwa kreh yong ka wa kiwi kiwi tangwa hadooh katni ympu yoo iyi iyi leh lait noh nei synñioom, nalor wa ki Work Order leh dadep e cha ki Contrator wow pynkrehkaam nadooh kini ki por. 

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Katkam i yakut wa ka tnat PHE, wot hadooh ya ki kaam pynkreh nadooh kiwa khian tam hadooh kiwa heh, katwa dang ye ki tre chnong u pynkreh toh u yoh ki ya ki, tangwa ini ym em u man i kamwa da yakut.

Chooh chooh da ong wa heiyatoh wa ka umbaam umdih hapoh chnong poh thaw leh da yakut wow pynbiang nadooh ki tiar um ki pipe um, ya ini leh hadooh katni ympu em u leh wei ym em yoo ya ki dak ki chin kiwa ka chnong toh u yoh bynta ko, wot ya ka scheme um wa da em chwa da chna daka tnat PHE Civil leh da tympra noh ya ka.

Kamtæ hajrong ini neiliang ka Dorbar Chnong da maham ko wa chwa wow pyndep ya kani ka scheme wei wow saam um cha kiwi tawon ki chnong wa marjan, toh u biang chwa na chnong kawa man ka tre yong kani ka scheme, lym kamtæ ka chnong daw chim ko ka rai wow lai da kawi tawon ka luti.