Lyngba ka Civic Action Programme e yarap ka BSF ya ki chnong ha ki thaw khappood

Jowai : Ha kani ka 3 tarik ka kynhun chipai yada khappood namo ka 30 Bn. Border Security Force (BSF) lyngba ka Civic Action Programme da e yarap ko ha ka chnong Umsyiem East Khasi Hills District hajan ka chnong Dawki.

Ya kani ka Civic Action Programme (CAP) ki BSF da pynman ki kam chi bynta yow wanrah ya ka yajan ki chnong wapher wapher ki wa em ha bynta khappood yow lait ki u em i tieñ i khuslai na kiwa yada ya ka khappood.

Chooh chooh i thmu leh u pynkylla yow wanrah i sniawthooh ha pyrdi kiwa chong chnong wa ka 30 Bn. BSF.

Lyngba kani ka CAP da saam boonjait ki tiar kam ki tiar yalehke sports, ki chuki, ki muna skur, ki kor soor thad, ki Carom Board cha ki 5 tylli ki chnong ka Bakur, Umsyiem, Pyrdiwah, Nayabazar wa ka Hathimai.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da saam leh ya ki kymmor cha ki 42 ngut ki bru wa dooh yong ki chnong waphær waphær. Da saam da u N. D. Bahuguna, DIG SHQ BSF Jowai hei emlang u Vikram Sharma Officiating Commandant 30 Bn BSF, u Me Zingkhai Dy. Commandant BSF Jowai Sector wa kiwi kiwi.

Nalor ini i saam tiar da emleh i esikai cha ki paidbah ka thain ya i rukom rep da ki bru chemphang ka Indian Council of Agriculture (ICAR) u Dr Pankaj Baiswar wa u P.K. Phukan.

Da jied u esikai rep tit neidaw wa oo toh uwa suk weiwa yoh nong bha u rep. Na ka 400 gm i symbe ye u pynmih 4 kg u tit wei ye u dai hadooh T. 80-120 chi kilo.

Hei yatoh wei saam tiar ki BSF, u Waheh Chnong yong ka Umsyiem u S.B. Ryngksai da ong u wa, ini ymtoh i sien wa nyngkong wa ka BSF da e yarap ko ya ki chnong wa em ha khapood da ong u wa da yoh yarap na ka BSF nadooh u snem 2005.

“Dap o dei sniawkmen wei sniawngooh wa khroo ya ka BSF wa naki por cha i por wan e yarap ki ya i. I em i leh i yatoh wa i sniawthooh wa jan bha wa ka neibhah i ki wa sah cha khappood i chem i, i eh wa boon jait na kipor cha kipor wei da em bait ka BSF wa yarap ya i.” ong u S.B Ryngksai.

Ha wa kylli kammon u pynemkaam ya ki tiar wa yoh na ki BSF, da ong wa ki tiar wa yatoh wa ki khynnah skur kam ki muna skur, ki let wa kiwi daw saam cha ki khynnah skur kiwa wan na ki yung wa dooh wa duk neibhah u saam cha waroh ym dap.

Kam ya ki chuki, ki kum um (Syntex) daw pynemkaam da ka chnong wei ya kiwi tawan ki tiar wa pynemkaam samen daw e cha kiwa wan na ki yung wa dooh.

Ha chwa ini da em ka yalang ha yung Club yong ka Umsyiem Youth Music Cultural and Sport Association ka wa da pyllai da u Vikram Sharma, Officiating Comandant 30 Bn BSF ha i emlang ki waheh chnong wapher wapher, ki khynnah skur wa kiwi.