Shillong : U wi u khynnah wa dang 17 snem i rta na ka chnong Lakadong, East Jaiñtia Hills District da wan pyndem u ha khmat yong u Superintendent ka East Khasi Hills District ha ka 23 tarik uni u bnai.
Uni u khynnah da wan e kti u pynda oo ya oo hi neidaw wa oo man u kam u dkhot ka HNLC wei ym em wanrah tiar siat lang u wa oo yow e cha ki pulit. Uni u khynnah da khana u leh wa da man u kam u dkhot ka HNLC lyngba ka Facebook.
Da ong u leh wa da man u kam u dkhot ka HNLC kattu la kamwa 7 bnai, wei da tipmit u leh ya ki dkhot ka HNLC lyngba ka Facebook.
Neiliang u M Kharkrang, SP yong ka East Khasi Hills da kyntu u ya ki bei ki pa wow pait bha ki ya ki khon ki kti ki heipor wa pynemkaam Facebook ki, wei lada pynemkaam ki leh ya kiwi de ki Social Media wa yoh khubor ki paidbah katni.
Discussion about this post