Ynne ka sngi, ka HNYF West Jaiñtia Zone da lai booh ko dei thoh ha yung krehkaam u Deputy Commissioner ka West Jaiñtia Hills District hajrong i tkoh i krehkaam ka chnat Sericulture kawa em yung krehkaam ha kylleiñ ka West Jaiñtia Hills District.
Katkam ka RTI wa da yoh pdiang na ka yung krehkaam ka District Sericulture Officer, da chem wa em hadooh 22 tylli ki Rearing Center hapoh Jaiñtia Hills wei du ki kattu katni ki thaw wa krehkaam wei na kini kiwa boon ki thaw leh ym em ki ka yung krehkaam wa paka wym ym em leh kiwa kreh ha kitai ki thaw.
Chooh chooh lyngba ki RTI da chem wa na kitai ki 22 tylli ki Center da em hadooh 14 tylli ki kreh kiwa thylli da boon tylli ki snem nadooh ki Demonstrator wa kiwi de wei da chem leh wa kini ki Center kam ka Nartiang, Ummulong, Ksehrynchang, Moodymmai, Kdiap, Mutapun, Saitsama wa Namdong da em kiwa da pyndep ya ka Training nadooh u snem 2008 hadooh 2013 kamwa 19 ngut wei kiwa da em ka hok wow yoh ya kitai ki kaam Demonstrator katkam ka rukom.
Neiliang ka seiñ da kyntu ko ya ka yung krehkaam u DC wow tuklar yeini waroh wei da kyntu leh ya waroh ki Sericulture Demonstrator kiwa toh u pait ya kini ki thaw wow kreh hok deiwa pyndep hok yei kaam khnang yow ye u wanrah yei yoh kaam yoh jaam ya ki khynroo khyllood ka Ri Jaiñtia wei yow yoh myntoi ki paidbah hi waroh.
Discussion about this post