Jowai: Uwi na ki khynroo na ka chnong Umkiang, EJH U Kynjaimon Amse uwa man leh kam u muktiar da paan RTI u na ka thaw sumaar kawa man leh ka thaw sikai ya ki Doctor, ka NEIGRIHMS, Shillong hei yatoh wa ki wakreh hapoh kani ka thaw.
Ha ka jubab wa da yoh da ong wa em hadooh 207 tylli ki kaam kiwa lait (Vacancies) ha ki kyrdan wa ki tnat waphær waphær kani ka thaw sumaar nadooh u snem 2005 heiwa 16 tylli ki kreh toh ki kyrdan kiwa sikai.
Da em 10 tylli ki kreh ha ka kyrdan Associate Professor ha ka Blood Bank, General Medicine, General Surgery, Hospital Administration, Medical Oncology, Nephrology, Obstetrics & Gynaecology wa ha Surgical Oncology Departments katwa 17 tylli won ki kyrdan Assistant Professor ha kiwi ki tnat kani ka thaw sumaar.
Katkam i jubab kani ka RTI da ong wa em hadooh 21 tylli ki kreh wa lait ha ka Group-A Non-teaching Staff kiwa kynthup ya ki Medical Officer-cum Lecturer, Epidemiologist cum Lecturer, Statistician cum Lecturer, Registrar, Deputy Medical Superintendent, Dental Officer, System Analyst, Chief Dietitian & Nutrition Officer, Chief Physiotherapist, Deputy Registrar, Programmer, Deputy Financial Adviser, Prof. cum Principal (Nursing college), Professor cum vice Principal (Nursing college), Sr. Statistical Officer, Jr. Medical Officer, Statistical officer wa ki Medical Physicist.
Heijooh i por da kdaw wa em hadooh kamwa 34 tylli ki kreh wa thylli hapoh yong ka Group B category wa kynthup nadooh ki kyrdan Assistant Accounts officer, Staff Nurse, Radiation Supervisor, Estate Manager, Office Superintendent, CSSD Supervisor, Junior Accounts Officer, Warden, Health Inspector, Health Educator, Junior Perfusionist wa Radiographer.
Ha ka Group C nawon em hadooh 108 tylli ki kreh wa lait.
Neiliang u Kynjaimon da ong u wa boon hi kiwa wan thooh dawai na kani ka thaw sumaar haap liwan ki thylli du neidaw wym em kini ki doctor ha kani ka thaw deiwa ong wa wot kiwa wan chah sumaar leh haap yang slem ki wow poi ka pali yong ki wow chah sumaar neidaw wa duna ki Surgeon.
Da kyntu u ya ki bor wa pait ya kani ka thaw sumaar wow chimkhia yeini khnang wa ki paidbah hi u yoh myntoi ki paidbah kani ka thaiñ mihsngi.
Discussion about this post