Lyngba ka Secret Ballot jied ka Ladrymbai “B” ya u J. Bareh kam u Waheh Chnong

Jowai: Ha ka 25 tarik uni u bnai ka chnong Ladrymbai “B” da pynman ko ya ka jied Waheh Chnong ha yung skur Ladrymbai L.P. School wa em ha Ladrymbai “B”.

Ha kani ka jied Waheh Chnong wa pyllai da u Dolloi ka Elaka Jowai u Puramon Kynjing heiwa da em le ngut kiwa yaleh wa kynthup ya u Jesper Bareh, u Wal Siangshai wa u Bhayes Chyrmang wei da pynemkaam da ka Secret Ballot yow jied ya uwa jop.

Hawa pyndep ya ka ñiaw Vote, da jied ka chnong ya u Jesper Bareh kam u Waheh Chnong uwa jooh man leh kam u Secretary warim ka Ladrymbai “B”.

Hadien wa jied ya u Waheh Chnong da jied leh ya kiwa kitkaam ka chnong heiwa u Assistant Waheh Chnong da jied ya u Diwing Dkhar, u Secretary u Cherity Suja, u Assistant Secretary u Sandy Shylla, ka Treasurer da jied ya ka Heinikmenlang Pajuh, ki Auditor u Zomeky Chyrmang wa u Rimi Suja.

Related posts

Daw pynman ya ka General Meeting wa nyngkong ka Kur Sumer Pyllun ha Amlarem

November 23, 2024

Dei kreh yonglang pynkhreh ka Seiñ Raij Raliang ya ka Kopati Puja

November 17, 2024

Ki Executive Member kynthup ki ya u Bhayes Chyrmang, u Wal Siangshai, u Donush Siangshai, u Salan Nongtdu, u Solangki Lyngdoh, u Samuel Lamare, u Soki Lapasam, ka Merilin Suiam, ka Neo Lamare, ka Maya Lamare, ka Ngait Shylla wa u Samuel Susngi.

Da wan sakhi leh ya kani ka jied Waheh Chnong da kiwa kreh ka JHADC.