Ka Ministry of Tourism yong ka sorkar pyrdi, da sdang ko ya ka www.strandedinindia.com ha ka 31 Wisu 2020 wow yarap ya ki baar ri kiwa wan uiñke kiwa da neh kylleiñ ka ri.
Du ha kini ki 5 sngi wa dadep da em 769 ngut ki baar ri kiwa da register ha kani ka website na kylleiñ ka ri.
Heiyatoh wa ini da thung ya ki Nodal Officer ha waroh ki jylla wow yarap ya kam kini ki baar ri wei neiliang ki 5 tylli ki Regional Offices ka Ministry leh yaklam ko dei langær wa kini ki Nodal Officers heiyatoh wa i yarap ya kam kini ki baar ri.
Neiliang ka Ministry dang yaklam ko leh wa ka Bureau of Immigration wa FRROs heiyatoh wa ki Visa wa da e cha kam kini ki baar ri.
Neiliang kini ki baar ri kiwa da neh ha India da yaklam ki wa ka Ministry lyngba ka e-mails, telephone wa dei bru katam i rukom emkaam yong ki.
Da em leh kawi ka bru na America kawa da neh ha Supaul District, Bihar wei heipor wa khrekaam ka Lockdown u khon yong ka da chah sumaar u ha nongbah New Delhi. Heiyatoh wa ini neiliang ka Ministry da leh ko yeiwa emkaam heiwa da yaklam ko wa kiwi ki chnat kamjooh leh ki jylla wei da pynlait ya ka wow wan ko cha Delhi.
Em 2 ngut ki bru na Costa Rica kiwa wan na Chennai wow chah sumaar (Medical Tourism), wei da neh ki ha Chennai hadien wa chah sumaar wei hadien wa yaklam wa ka Costa Rican Embassy wa ka Hotel wa sah ki da yarap ya ki katwa ye wa leh wei katni da man ki kiwa chongsuk.
Kini man ki kattu katni ki nongmuna wa da ye u e yarap ya ki baar ri kiwa wan uiñke chapoh India wei kiwa da neh hapoh ka ri neidaw ka Lockdown.
Discussion about this post