Lyngba ki 19 kool ynne ka sngi ha ki yalehke, psiah sa ar tylli ki dhab cha semifinal

Jowai : Ha ki le tylli ki yalehke wa pynman ynne ka sngi da sdang chwa da ka yakhun 1st Division ha pyrdi ka 7 Wasa wa ka Lumpyrtuh ka wa da kyrriah tarik neidaw wa at la-ær ka madan bol.

Ha kani ka yalehke ka 7 Wasa da pynbaam ko ya ka Lumpyrtuh da chi dorjon kool heiwa le ngut kiwa yalehke ka 7 Wasa da yoh ki u thap mar 4 kool samen.

U Khurlangki Shylla da thap u ha ka minit wa 7, 28, 53, 66, u Blessing Pamthied ha ka minit wa 10, 17, 59, 73 wa u Felix Bang ha ka minit 13, 29, 55, 71.

Ka Lumpyrtuh Mihmyntdu da chah pynhiar kyrdan ko cha ka 2nd Division.

Ha ka yalehke wa ar kawa man leh ka Quarterfinal ka 3rd Division da yaleh ha pyrdi ka Mulang Ialong wa ka Chyrmang Wah heiwa ka Mulang da jop ko da 3-0.

Related posts

Psiah Quarter Final ka Diengshynrum ha ka Meghalaya Women’s State League 2025

October 12, 2025

Psiah Final ka Jai Jai United wa ka Sakhaiñ Mooliment ha ka 2nd Division ka SBSA

October 11, 2025

Ya ki kool ka Mulang da thap da u Tellme Mulieh ha ka minit wa 53 wa 60 minit katwa ya ka kool wa le da thap da Pynskhmem ha ka minit wa 70.

Na ini i jop ka Mulang da psiah Semifinal ko.

Ha ka yaleh wa le won yong ka 1st Divsion da yalehke ha pyrdi ka Tpep-pale wa ka Lumpariat heiwa pyn ar ya knieh ki u psiah Semifinal. Ka Tpep-pale emkaam ko u ya drawn yow yoh ko u psiah katwa ka Lumpariat won emkaam ko u jop.

Ha ka kylla step ka yalehke ka Tpep-pale da yoh ko u thap kool ha ka minit wa 30 lyngba u Fastly Suiam tangwa ka Lumpariat da su ko ha ka minit wa 41 lyngba ka kool u Leo Buam. Kamtæ da kut ka kylla step mar chi kool.

Ha ka kylla miet won hadien 7 minit ka yalehke ka Tpep-pale thap kool ko lyngba u Renald K. Mujat ha ka minit wa 47. Ka Lumpariat ha ka minit wa 60 da yoh biang ko u thap sa chi kool lyngba u Snowell Lamare ha ka minit wa 60 wei kani ka kool da neh ko hadooh wa kut ka yalehke 2-2. Na ini i jop ka Tpep-pale da yoh ko u psiah Semifinal.