Ka Martin Luther Christian University (MLCU) da pynman ko ya ka Convocation kawa 13 ynne ka sngi lyngba ka YouTube Channel kani ka skurbah heiwa u Lat ka jylla u Satya Pal Malik da man u kam u kongsan.
Da yoh yei klam na ka Silbi Passah kawa da ong wa ki kyrdan (Degree) kiwa yoh man ki kam ki Insurance Policy wow yarap ya ki hadien.
Ha kani ka sngi da pynkup burom ya ki 723 ngut kiwa pyndep ya ki Degree wa ki Diploma, wa kynthup ya ki 12 ngut ki PhD, 18 ngut ki M.Phil, 359 ngut ki Master Degree ,13 ngut ki PG Diploma wa 255 ngut ki Bachelor’s Degree wa ki Diploma wa ki Certificate kiwa em 66 ngut.
Neiliang u Lat da ekhublei u ya ki khynnah kiwa da pyndep yei puræ ha u snem 2020 heiwa da ong u wa hanlada em ka khlam wa i chitom wa chem ki khynnah tangwa ki khynnah ym em u randien ki wow pyndep yei puræ yong ki.
Da ong u leh wa kani ka rukom esikai lyngba ki kor ka Internet næ ka ‘Online and Remote Learning’, kiwa sikai emkaam u man ki kiwa yajan wa ki khynnah wei emkaam wow e mynsien ya ki khynnah.
Chooh chooh da e u leh i yaroh ya kiwa sikai ka MLCU heiwa da esikai ha kiwa boon bynta næ ki Course wow kyntu ya ka imlang sahlang.
