Ka thaaiñ Delhi-NCR, da maad ko ya u bnai Kmaichonglad (December) wa kjamdooh wei daw man u uwa ar wa kjamdooh u bnai December nadooh u 1901, da pyntip daka chnat Weather Department.
Deiwa kheiñ lang yeiwa chit dooh ka sngi ha u bnai December wa hiar hapoh 20 Degrees Celsius da jia i du ha u snem 1919, 1929, 1961 wa 1997, da pynttip uwa mihkhmat ka India Meteorological Department.
Ha u December uni u snem iwa chit dooh hadooh ka 26 tarik toh 19.85 Degrees Celsius. Wei da antaad wa daw hair chooh chadooh 19.15 Degrees Celsius hadooh ka 31 tarik uni u bnai.
“Lada jia ini daw man ko u bnai December wa kjamdooh nadooh u December 1901. Ha u December 1997 iwa chit dooh toh 17.3 Degrees Celsius,” da pyntip chooh chooh.
Ha chwa ini, i chit da poi i 19.8 Degrees Celsius ha u 1919 wa 1929, katwa da poi 20 Degrees Celsius ha u 1962.
Ka Safdarjung Observatory, kawa kheiñ yei chit i kjam ha Delhi, da yoh yukheiñ ko wa i chit dooh da poi 12.2 Degrees Celsius haka 18 tarik uni u bnai.
Ka Weather Station ha Palam da hiar i chit hadooh 11.4 Degrees Celsius haka December 25.
Nadooh ka December 14, boon ki bynta ka sorbah Delhi da maad ko ya 13 sngi wa kjam bha namo ka “Cold Spell”. Heiwa i sien wa khaddooh wa jia boon sngi kiwa pteiñ i kjam toh nadooh December 1997.
Hadien u 1992, ha Delhi da em kam kini ki sngi kjam ‘Cold Spells’ du ha ki 4 snem- 1997, 1998, 2003 wa 2014.
Kini ki sngi kjam ha uni u snem da antaad daw pteiñ ki hadooh ka 29 tarik.
Katkam wa ong ka IMD da kheiñ yaka sngi wa kjam “Cold Day” toh lada hiar i chit da 4.5 Degree na iwa jooh.
Ka sngi wa kjam bha “Severe Cold Day” toh manda hiar i chit na iwa jooh da 6.5 Degrees Celsius na iwa jooh.
Discussion about this post