Jowai: Ka Dorbar Chnong Muskut kawa man leh kawi na ki chnong wa khian hapoh ka District, ynne ka sngi da lai yachem ko wa u Deputy Commissioner ka West Jaiñtia Hills District u R. Rapthap ha kamra krehkaam yong oo wow booddien yei dawa wow booh Polling Station hapoh ka chnong kawa dadep ki u dawa nadooh ka 7 tarik u Khonchonglad (Nov) 2017.
Ka Dorbar chnong da ong ko wa hadien wa dep pynman ki ya ka yalang ha ka 16 tarik hapoh ka chnong da chim ki ya ka rai wa lada ym yoh Polling Station hapoh ka chnong ym chimbynta ki ha kani ka Election MLA 2018.
Da ong leh wa ka thaw thap Vote yong ki jngai wei kamwa chem ki ha kani ka Election MDC ym em man ko kawa sñiaw chngaaiñ.
U DC hei yatoh wa ini da phah u ya ka chithi cha ka Election Commission ka ri India wei dang yang ka rai ka Election Commission.
U Waheh Chnong ka Muskut u Kyrsiew Kharbihthai da pyntip u wa i jngai ka Polling Station nadooh na Maskut hadooh Mookyndur man ko kamwa 10 Km kawa booh ya kiwa chong chnong ha i eh wa khroo ha man ka Election.
Discussion about this post