Maham e tiar pynpdung ka HNLC ya ki seiñbhalang lada ym mano ka sorkar

Shillong: Ka seiñ Hynniewtrep National Liberation Council (HNLC) ynne ka sngi ha ka khubor wa pyllait da u Publicity Secretary yong ka u Sainkupar Nongtraw da tyrwa u wow yarap ya ki seiñbhalang lada ka sorkar ymye ko u pynbait ya ki kaam hei yatoh wa ka luti rel.

Ka seiñ da beiñ ko ya ka sorkar jylla deiwa ong wa ka sorkar pynman ko ya kani ka kaam lakam ha Kashmir deiwa kdong ko ya ki dkhot ka seiñ KSU kiwa da yaleh pyrchah ya ka luti rel.

“Ka sorkar Meghalaya wa ki pulit yong ka daw pynchrai ko ya ki dkhot seiñbhalang hadien wa kdong wei kem ko ya ki dkhot ka KSU” da ong u Sainkupar Nongtraw.

Da dawa ko na ka sorkar wa u pyllait noh ko ya ki dkhot ka KSU kiwa hiar thma ya ka thaw chna luti rel wei lym kamtæ ka HNLC daw yarap ko ya kini ki seiñ deiwa e tiar pynpdung kam ki Improvised Electronic Devices (IEDs).

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

“Ka sorkar toh u pyllait noh ko bran bran ya u President ka KSU North Khasi Hills u Ferdynald Kharkamni, u dkhot yong ka u Sonstar Nongkhlaw wa waroh ki dkhot ka KSU kiwa da chah kem ha kini ki tayaw wa dadep khnang wow wanrah biang ya i chongsuk” da ong u Nongtraw uwa da kam leh wa da em ki khynroo kiwa wan paan yarap ka seiñ wei ymslem de daw yarap noh ko ya ki.

(Feature Image-Representational)