Jowai : Ka Dorbar Chnong Wapungskur dei mynsien wa chrai wei sñiaw khia da maham joor ko ya ki damok waleh yaki kaam tyngkheiñ aiñ khamtam deiwa tynyap bru weiwow noh ya ini i doh i pran kiwa yap hapoh u pood u ang ka Chnong Wapungskur.
Ka Dorbar Chnong Wapungskur, lyngba ka khubor wada pyllait da u Waheh Chnong u ma Satly Ryngkhlem da pynsñiaw ko yei mynsien wa chrai heiwa da pynman ki damok yaka chnong Wapungskur kamka thaw noh ya kiwa yap (Mortuary House).
“Aw jan man ki por ki damok hadien wa leh ki yaki kaam wa sang jooh noh ki ya kiwa da yap hapoh u pood u ang kani ka chnong heiwa ka chnong da rai ko wow pynchitom ya kam kini ki damok” da ong u ma Ryngkhlem.
Heijooh i por ka chnong da maham joor ko leh ya kiwa leh kaam sih hapoh u pood u ang ka chnong wei da maham ko leh ya kiwa emkti kam ha kini ki kaam
Ka Dorbar Chnong da kyntu ko leh yaki bor pulit waki bor ka aiñ wow chimkhia ki yaki u takit ya kam kini ki kaam kiwa da daisarom yaka chnong ka thaw khnang wow yada yei pyrtuid ka chnong.
Discussion about this post