Ka Dorbar Chnong Jalyiah, East Jaiñtia Hills District da maham joor ko ya waroh ki bru kiwa chong chnong kamjooh kiwa na baar chnong u bood ki ya ki aiñ ki kyndon ka chnong khamtam ha Ladrymbai Bypass.
Ki kyndon wa da booh ka chnong man ki kamni hawah:
- Da khang pyrchah ya ki bru wa lai sait-that cha kani ka thaw wa em ki wah dooid deiwa thang ya ki phlang ki ranem wei wow pynjakhlia ya ki dooid ki wah ka chnong deiwa noh waroh ki jakhlia ha wah dooid ka chnong.
- Da khang pyrchah wei da maham joor ya kiwa uiñke sñiawbha u noh kulmar ki ya ki Plastic næ ki klong kat chawa yoh, wei pynyieň kari khlemakor harood sarok næ pynman thaw dih wei noh khiar ya ki klong kiad khamtam heipor miet, iwa booh hei maa ya ki tre-chnong ha i lai i wan, weiwa u chah leh du hapoh 6:00 waje i janmiet u yieñ kari ha sarok
- Da khang pyrchah leh wow pam khiar ya ki khloo næ ki dieñ ki siej.
Ka chnong da ong ko wa neini chakhmat lada pteiñ i leh pynsih ha ki wahdooid neiliang ka chnong hi u khang noh ko ya kini ki thaw sait-that.
Kamwa ong i ktien “Hawa yoh u pynemkaam ya ka, i kaamram yong i u makhane wei u burom kylliang ya i e sñiawbha yong ka”.
Kani toh katkam ka wyrta na u S. Dkhar uwa man u Waheh Chnong, Jalyiah.
