Shangpung: Ka wah Umiurem toh ka wah wa kai lyngba ka Shangpung, West Jaiñtia Hills wei ha ka em boon ki dakha wei man ko kawi na ki wah wa pawnaam hapoh ka ri-loom Jaiñtia kawa da pait leh da jar jiar ki Dorbar Chnong wow yada ya ka.
Kawi na ki Sanctuary wa paw wa da tipmit kam ka Khliehmushut Moolashah Fish Sanctuary man ko kawa lai bait lai ryntih wei sa kawi won ka bynta ka wa tip kam ka Parok Umiurem Fish Sanctuary kawa pait wa yoo da ka Dorbar Chnong Shangpung Pohchnong heiwa ym chah u khwe, tangwa han la kattæ leh dang boon ki bru kiwa chim kabu yei miet i synyaaw deiwa wan khwe tooh na kani ka bynta ka wah.
Da ong ka Shangpung Fishing Association wa da yoh yutip ki wa em pyn ki tre chnong hi kamjooh na Muthlongrim wa wan khwe tooh na ini i bynta.
Kamtæ neiliang ka Shangpung Fishing Association da maham joor ko ya kiwa chim kabu wei lada tip kam ya kini ki bru, ujor pyrchah ya ki cha ki bor District wow phah kem ya ki wei wow leh yeiwa emkaam katkam ka aiñ.
Kani toh ka khubor wada phah da u S.P. Suiam, President ka Association.
Discussion about this post