Jowai: U Jason Mairom, u SDPO Amlarem Sub Division da pyntip u wa haka 6 wa 7 tarik uni u bnai da em i sah ki kari iwa joor bha ha u sarok National Highway 40E (Amlarem-Tamabil) neidaw wa yah khlemakor ki truck wa kit moochuni cha Bangladesh. Ini i sah ki kari da chimpor hadooh 3-4 kynta ya ki pulit wow pyllait ya ka.
Da em leh ka ujor ha yungkrehkaam u SDPO Amlarem wa uwi u khynnah wa 10 snem uwa chitom da sah u ha uni u sarok dei yong kynta heipor wa kit ya oo na Nongtalang cha Jowai wow chah sumaar u.
Hadien ini waroh ynne ka sngi ki pulit hapoh i yahkhmat u Mairom chirup wa ki pulit na Dawki da lai pynbna paidbah ki na Amlarem cha Tamabil deiwa maham joor ya kiwa yah truck wa kiwa chalan moo.
Da maham wa ymhoi de u yaknieh (overtake) yow poi smat cha Bangladesh, neibhah ini wanrah i yei sahkut ki kari ha uni u sarok.
Lada pteiñ ki u leh kamni daw kem ya ki wei daw pynngat ya ki hapoh ki kyndon aiñ wa khor neibhah uni u sarok toh u sarok paidbah ymtoh u sarok ki bru samen wa ye u leh katwa ngait.
[arve url=”https://www.youtube.com/watch?v=6GJ7Yi_ERXw&feature=youtu.be” /]
Also Read: Man ka sngi sah ki kari ha u sarok Amlarem-Dawki neidaw wa kit palat pood ki truck
Discussion about this post