Maham ka 10 Shnong Association ya kiwa leh jakhlia | U sdang noh ya ka chnat Tourism

Ka 10 Shnong Association wa kynthup ya ka Iapmala, Wahsarang, Lumshken, Shilliang Umshong, Dienshalalu, Suchen Mulieh, Suchen Dhana, Suchen Lumiarain, Suchen Rim, Suchen Tyrnein Loom da pynman ko ya ka yalang wa kyrpang ha ka 2 tarik uni u bnai ha Iapmala.

Ha ka yalang da rai iwi donhi wow maham wei khang ya ki bru wa wan sñiawbha chapoh ka thaaiñ 10 chnong kiwa napoh ki 10 chnong wa kiwa na baar wa ymhoi wow leh jakhlia, u noh ya ki klong, i jhep wa ki kaam khlemakor nadooh ka yingkieñ Kai Lipai ter ter chadooh Suchen.

Lada chem ya kiwa leh pyrchah yeini daw pynchitom ya ki katkam ki kyndon aiñ.

Da maham leh ya ki bru kiwa pynwit wei pyndik ya kiwa laike wei wanke ki paidbah wei lada chem daw pynchitom deiwa eh ya ki katkam ki kyndon ka aiñ wei kini ki chnong u paitsiar da kini ki 10 chnong.

Ka 10 Shnong Association da rai ko leh wow seiñ ya ka chnat Tourism neibynta wow pynmankaam ya ki kaam uiñke suwari hapoh ka thaaiñ.

Kiwa kitkaam u man ki kamni ha wah:

Related posts

Maham u heh ka Russia wow pynemkaam da ki Nuclear hadien wa kem ka US ya ka jhaad kit phniang

January 8, 2026

Dawa ka President ka Venezuela wow pynuiñ ya u Maduro wa ka kurim u

January 8, 2026

President: Kham Bareh (Lumshken)

Vice President: Womboi Lamurong (Iapmala)

Secretary: Popular Shangpung (Iapmala)

Asst. Secretary: First Suchen (Suchen Lumiarain)

Treasurer: Em Dkhar (Iapmala)

Ki Waheh Chnong wa ki Secretary ki 10 Chnong u man ki kam ki dkhot.

Kani toh katkam ka Wyrta na u Kham Bareh, President wa u Popular Shangpung, Secretary ka 10 Shnong Association.