Jowai : Ka seiñ Borghat-Jaliakhola Aquatic Life Welfare Association (BJALWA), kawi na ki seiñ na Ri-loom Jaiñtia kawa pait wei yada ya ki dakha kamjooh leh wow pynneh pynsah ya ki ha ki thaiñ Border.
Ha ka khubor wa da phah da u Dawlupaia Khyriem, Publicity Secretary ka seiñ, da ong u wa ka seiñ da khang pyrchah ya kiwon kiwon ki bru wow bær bih næ u pynpdung bom kamjooh u leh ya kiwon kiwon ki kaam wow tynyap dakha ha ki wah kam ka wah Tisang, wah Prang, wah Thwei Pyrkhung wa ki wah khian kiwa em ha thaiñ Kwator, Pasadwar, Kharkhana, Borghat, Jaliakhola wa kiwi kiwi.
Ka seiñ da maham ko leh ya kiwon kiwon kiwa leh pyrchah yeini wei ka seiñ daw pynchitom ko ya ki katkam ka aiñ wei u chah du ya kiwa wan khwe donhi heini.
Discussion about this post