Ka ECC Sutnga Elaka ynnin ka 24 tarik deilang wa ki waheh chnong waphær waphær kiwa haap hapoh u pood u ang yong ka Elaka deilang wa ka Women’s Wing yong ka ECC da pynman ki ya yalang wow ya pyrkhat ya ki kaam wa yatoh wa ki karkhana Coke, ka hukum ka NGT deilang wa i phah pynkrehkaam ya ka Action Plan.
Kam wow pynkynmoo wa ka NGT ha ka hukum wa da pynmih ko ha ka 07-07-22 da phah ko ya ka sorkar wow chna ya ka Action Plan neibynta ki karkhana Coke kiwa da dep yoh ya ka CTO namo i e bor wow krehkaam kiwa da em hadooh 14 tylli iwa mut wa kini ki karkhana wa da krehkaam hap ki leh wow bood ya ki kyndon aiñ wa da pynmih da ka MSPCB ha ka 23-12-2020.
Ya ini da e por ka NGT ya ka sorkar Meghalaya wow pyndep hapoh soo bnai nadooh wa pynmih ya ka hukum.
Kamtæ ka ECC da chnong pyrkhat ko ya ini i kaam wei da e por hadooh ka 08-11-2022 haddooh wa kut ki soo bnai wei lada ym ye ka sorkar wow pynbiang katkam ka hukum ka NGT wei lada ym khang leh ya kini ki 14 tylli ki karkhana da rai wow chim ya ka aiñ ha kti wei wow mih paidbah deiwa lai Rally.
