Maham ka ECC wow sliah ya ki karkhana hadien wa kut i e por

Ynne ka sngi ka Environment Coordination Committee (ECC) ka Elaka Sutnga da e dorkhat ko ha u Deputy Commissioner ka East Jaiñtia Hills hei wow dawa pynkhrehkaam noh ya ka Action Plan wa da hukum da ka NGT heiyatoh wa ki karkhana Coke wa dang em katni yow pyntikna wa krehkaam ki katkam ki kyndon ka sorkar wa da pynmih ha ka 23-12-2020 da ka Meghalaya State Pollution Control Board (MSPCB), heiwa hadooh katni ka sorkar jylla ympu em u pynkrehkaam ko ya katæ ka Action Plan yow leh ya ini iwa da kut por nadooh u Khonchonglad (Nov) 2022 wei ki karkhana wa krehkaam hadooh katni kiwa da dep yoh bor chwa wa pynbna ka MSPCB lada ym ye ki wow bood kyndon toh u tympra noh ki.

Ka kyndon ka MSPCB da ong ko leh wa iwon iwon i kaam wa ktah ya ki mrad wa kamjooh ki khloo ki kjam man i pyrchah ya ka hukum yong ka wa da pynmih ha ka 23-12-2020 wei ym ye wot ki tre thaw wow tyngkheiñ ya kini ki kyndon.

Ha ka dorkhat da ong leh wa kini ki karkhana Coke wa krehkaam katni man ki pyrchah ya ka Notification Dated 23-12-2020, heiwa i krehkaam yong ki toh deiwa tyngkheiñ ya i hok manbru ka Meghalaya wa kiwa wanke cha Meghalaya katwa kamtæ ymye kini ki karkhana wow kreh hanla da yoh bor ki namo ka Consent to Operate (CTO) chwa ka Notification wa da pynmih ha ka 23-12-2020.

Ka NGT najrong ka hukum ya ka sorkar jylla wow pynrehkaam noh da ka Action Plan pyrchah ya ki karkhana kiwa tyngkheiñ aiñ khamtam ya kiwa da sdang hachwa ka 23-12-2020, da phah ko leh ya kini ki karkhana wow su leh ya ka bai lutsan cha kiwa chah ktah kawa dapoi hadooh T. 5.5 klur.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang kiwa chong chnong ka Elaka da maham ki leh wa lada ymye wow leh iwon iwon neiliang ka sorkar wow yada ya ki jaitbru ym yohsa de ki wow lai da kawi tawon ka luti.

Heiyatoh wa ini waroh neiliang ka ECC da dawa ko wow pynkrehkaam noh ya ka Action Plan katkam wa da phah leh sa ka High Court ka Meghalaya heiyatoh wa kani ka jooh ka hukum ka NGT.

Hajrong ini waroh, ynne ka sngi da maham ka ECC wow tympiah u sliah ya ki karkhana lada ym bood kini ki karkhana ya ka hukum hapoh 22 tarik uni u bnai.