Jowai: Hadien wa da yoh ujor na kiwa chong chnong yong ka chnong Musniang, East Jaiñtia Hills District, wa i rukom saam baam khynnah (Anganwadi) ym em lai bait ko hapoh ka chnong ka thaw wei da yoh yutip leh wa ini i thut da mih i hadien wa kiwa e baam khynnah (Anganwadi) da lai saam hi cha ki yung bru ya ki baam khynnah, da mih leh i pynbaad wa kini kiwa lai saam baam da leh chiliang ki hei rukom saam baam du naki daw samen yong ki.
Kamtæ hajrong kani ka ujor wa da yoh ,neiliang yong ka East Jaiñtia National Council (EJNC) – Middle East Unit lyngba ka khubor na u Pdianglang Dkhar, President ka Unit, ka seiñ da maham joor ko ya kitai kiwa saam baam khynnah (Anganwadi) wa ymtoh wow leh chiliang ki ya kiwon kiwon leh khnang wa ki bei ki pa yong ki khynnah u yoh ki ya ka hok.
Heijooh i por ka EJNC – MEU da e yumut ko ya kiwa saam baam khynnah (Anganwadi) yong ka chnong Musniang wow sangeh noh yei lai saam baam cha yung ki bru wei wow booh noh da ka yung krehkaam khnang waki paidbah u yoh ki wow wan chim hi da ki yei bhah yong ki, wei lada dang mih biang ki ujor, ka seiñ ym yohsa ko wow ujor noh chisyndon cha ki bor kiwa hajrong.
Discussion about this post