Jowai : Ka East Jaintia National Council (EJNC)-Central Council lyngba ka publicity wing da pyntip ko wa da chem ko wa boon naki Contractor kiwa pynkreh hapoh East Jaintia Hills District da wanrah nongmylla ki daki barjylla kiwa ym biang kot biang sla.
Hei yatoh wei ni nei liang ka seiñ kyntu joor ko ya kini ki Contractor kiwa wanrah nongmylla daki barjylla wow pynbiang ki ya ki kot ki sla yong waroh ki nongkreh barjylla ki yong ki chwa chwa wa ka seiñ u chah pynbor ko wow pynman ki da i kynreh kot kynreh sla ya ki.
I thmu yong ka seiñ wow kynreh kot kynreh sla ya kini ki barjylla ym mut i wa ka EJNC pyrchah ko yei kreh ki Contractor tangwa dei mynsien sñiaw khia pyrchah ka seiñ ya ki Contractor wow pynkreh ki da ki barjylla da ong u General Secretary EJNC-CC, S.Lyngdoh.
Ini i pyrchah yong ka EJNC ya ki nongkreh kiwa na barjylla toh hajrong i thrang i angnood yong ka seiñ wow wai laad yow khih yoh kreh ki ki khynnah khynroo khyllood ka District chooh chooh ka seiñ kyntu ko cha waroh ki Contractors wow e lad chwa ki ya kiwa na ka jylla weiwa ka seiñ da maham ko leh ya kiwa leh pyrchah yeini ka seiñ hi daw tuklar ko yei kreh yong ki.
Discussion about this post