Jowai: Ka Forum for Right and Civil Equality (FORCE), da maham joor ko ya ki bru wa chim kabu ha ki kaam ki jaam ki wym toh i hok yong ki, neidaw ka seiñ da yoo ko chiboon ki bru kiwa chim kabu wow kamai spah dei wym toh, khlem kheiñ de ya ka sang ka ma du wow yoh myntoi samen. Kini ki bru kiwa chim kabu toh u sangeh ki kattæ hi wot ya kini ki kaam wym man yong ki.
Kam kini ki bru toh ki Dalal wa pynlai Truck kit mooyong, kit dieñ, kit chyiap wa kiwi, wot ya ki kitu ki bru kiwa pyrchang wow pynbiej ya ki kynnah kynthai deiwa phon u pah daka poisa wow kamai spah wow pynjæd ya kiwi kamjooh kiwa chah pyrtuid ya ki baar jylla (Benamy) wa kiwi de.
Kamtæ ki bor wa toh u pait ya kini ki kaam ymtoh u e laad ya kam kini ki bru wow leh mon ki katwa ngait ki.
U N.N. Shadap uwa yahkhmat ya ka FORCE da ong u wa neiliang ka FORCE ka kwah ko wow pyndooh jait ya kam kini ki jait bru wa dai toh dor pynda ki ya ki hi neibhah lyngba yong ki kaam yong ki wanrah ko chiboon ki kynrum kynram ha ka jaitbru wei da pyndooh nong ko leh ya ka sorkar.
Kamtæ ka FORCE da maham eh ko ya waroh nadooh ki Dalal, kiwa leh Benamy wa kiwi kiwi de wa toh u sangeh ki chi syndon wei lada ka FORCE chem ko ya kam kini ki jait bru ym maap ko ya ki wei daw ekti cha ki bor yong ka aiñ.
Discussion about this post