Ka seiñ HNLC hadien wa da kam ko yei booh IED Bomb hakhmat ka yung krehkaam ka NPP ha Lachumiere, Shillong deiwa ong wa ym em tympdung ya uni u Bomb.
Da ong ko wa da tip tikna ki wa i yap u C. Thangkhiew toh iwa da sooh buit da ki kattu katni ngut ki Montri ka Meghalaya deiwa maham ya ki wow kdong u thooh ya ki lada rieh ki ha iwon iwon i thaw wa yut wa rieh ki chwa ka Election wei daw siat yap ya ki khlem da wyrai.
Da ong wa da leh ya ini neidaw wa ka sorkar da kem ko ya ki bru khlem biang sabut wa emkti wei da leh ya ini du wow pynyoo bor donhi deiwa pynbaad ya u Thangkhiew wa emkti u wow tympdung ya u IED Bomb wei ini toh iwa bakla iwa tip ki pulit.
Ka HNLC da maham ko leh ya ki wakreh ka NPP deiwa dawa wow ieh, wow mih noh ki na ka Party chisyndon wei ym toh wow psiah chapoh ka Party, wei lada ym leh ya ini, ka seiñ daw leh ko da iwa khor ya ki heh wa kiwa ksoh kaam ka NPP ha Ri-loom Khasi wa Ri-loom Jaiñtia.
Kamtæ da ong wa kitu kiwa leh pyrchah ya ini, ym emkaam de ki wow kylli næ paan jubab na ka HNLC.
