Jowai: Ka Jaiñtia Hills Truck Owners Association (JHOTA) da pynsñiaw ko yei pyrchah joor yei wan tooid ki truck 10 chaka, 12 chaka kiwa kit mooyong na baar jylla yow li booh cha ki karkhana pynmih khyndawbilat wa em ha East Jaiñtia Hills District.
Ka seiñ da ong ko wa ini i wan kini ki truck daw ktah i ym du ya ki tre truck kamjooh leh daw ktah bha ko ya ki tre mooyong heiwa u mooyong wa em ha ri-loom Jaiñtia ym pu ye u pynlut ya oo hadooh katni.
Ka seiñ da chem ko wa kini ki truck wa kit mooyong toh boon yong ka Company Fastrack Logistic and Services wei da em leh na kiwi ki Company.
Ka seiñ da kyntu ko leh ya ki karkhana wym toh u pdiang ki ya uni u mooyong wa wanrah na baar jylla wei emkaam u pynlut chwa ya u mooyong wa dang sah ha ri-loom Jaiñtia.
Ka JHOTA da kynnoh ko leh wa u mooyong wa wan na baar jylla toh uwa man be-aiñ uwa ym em kot em sla u wym tipmit ka DMR kamtæ da kyntu ko leh ya ka DMR wow sylli bha ki ya ki truck wa em 10 wa 12 chaka neibhah ka seiñ da tikna ko wa boon toh kiwa kit ya u mooyong.
Da pynkut deiwa ong wa ka seiñ da maham ko ya waroh ki truck wa wanrah mooyong na baar jylla wow dam noh ki pyn na katni hi wei lada chem wa dang pteiñ ki yeini daw e kti ya ki cha ki bor ka aiñ.
Kani toh katkam ka khubor wa da phah da u Nidamon Chulet, President JHOTA
Discussion about this post