Jowai: U General Secretary ka Jaiñtia Students Movement-Eastern Region (JSM-ER) u Monarch Dkhar da pynbaad u wa leh khlemakor ka karkhana pynkih khyndaw-bilat, ka Star Cement wa em hapoh ka East Jaiñtia Hills District.
Ka seiñ da ong ko wa boon ki paidbah ka thaaiñ Lumshnong da ujor ki cha ka seiñ neidaw wa chah beh khreh ki khlem iwon iwon i daw namo i bakla yong ki.
Da ong ko leh wa yoosar ki heh ka Star Cement hun ki wow e khreh du ya ki baar jylla donhi katwa ya ki Khasi Pnar won ym em kreh (Post) wa lait ha kani ka thaw.
Neiliang u President ka JSM-ER, u Shnalad Rymbai da ong u wa lada ka Star cement ym ye ko u e ya ka jubab yeini iwa leh ko, neiliang ka seiñ daw pynman ko dei sylli ya ki kot ki sla ki baar jylla ha kani ka karkhana.
Discussion about this post