Ynne ka sngi neiliang ka seiñ Jaiñtia Students Movement-Western Region (JSM-WR) da ong ko wa hadien wa yoh ko yei ujor na ki paidbah, neiliang ka seiñ da yachem ko ya u DC ka West Jaiñtia hajrong i chim palat poisa ka Ialong Toll Plaza.
Ka seiñ da ong ko wa neiliang u DC da pyntip u wa ymye u wow leh iwon iwon hajrong ini neibhah ya i dor da pynbait na ka sorkar.
Kamtæ neliang ka seiñ da kynjoh ktien ko lyngba ka Phone ya u Director ka NHAI wow wan u cha Shillong wow yaklam hapoh kani ka tayaw wow wan wow ap ya i eh i khoo ki paidbah.
Ka seiñ da pyntip ko leh wa neliang u Director ka chnat da kular u wow yachem ya ka seiñ heyatoh wa ini i kaam wei neiliang ka seiñ da epor ko chi tayaw wei lada ymye wow poi thong i yaklam daw pynyoo ko da ki kaam, da ki yakhih.
Kani toh katkam ka Wyrta wa phah u Ribok Biam uwa man leh kam u Education Secretary ka Western Region wa u Chanskhem Suchiang uwa man kam u Assistant GS Cum General Secretary JSM Western Region.
