Maham ka JSU ya kiwa chim kabu wow pynbood naam yei pyrtuid ka seiñ

Ka seiñ JSU seiñbei da maham ko deiwa eh ya ki bru wa chim kabu kiwa kam ya idæ wa toh ki dkhot ka seiñ neibynta i myntoi samen lada deiwa pynmih khubor pynbood naam yaka seiñ khlem da yoh bor na kiwa yahkhmat ka seiñ wa kiwa lai booh FIR khlem yurim yaka seiñ deiwa pynmih pyrtuid yaka seiñ khlem ki sabut satar kiwa biang.

Ka JSU da ong ko yeini yeiwa da jia haka 17 tarik yong uni u bnai heipor 11:00 waje i miet katkam wa da mih khubor ha u Wyrta heiwa u dkhot ka HNYF, u T. Shylla da ujor FIR u pyrchah ya uwi u bru wa tip kam u E. Sutnga uwa da kam ya idæ kam u dkhot ka JSU.

Related posts

Da ka song poisa saam ka sorkar cha ki pulit ka ANTF wa pnah wow kem drugs

August 21, 2025

Haap uwi u bru najrong ka Parking Lot wa em ha Ïewmawlong, mynsoo deilang wa ka kynthai

August 21, 2025

Neiliang ka JSU hawa thooh wa takit ko da chem ko wa uni u bru wa tip kam u E. Sutnga ymtoh u dkhot ka seiñ wei ym em tipmit ya oo ha ki Circle wa Unit ka seiñ.

Kamtæ ka seiñ da maham ko deiwa eh ya kiwa chim kabu yei pyrtuid ka JSU neibynta wow pynmih khubor wow pynbood naam yaka seiñ khlem ki sabut satar kiwa biang wei ka seiñ ym ye ko wow chim yei kitkhlieh lada jia iyi iyi ya kam kini ki bru wa pyndooh yei burom yaka JSU.