Maham ka KHNAM u ujor da ka PIL lada ym thungkreh ka MeECL ya ki Jugali

Shillong: Ka KHNAM Youth Wing deilang wa ki Jugali ka MeECL daw pynman ki ya ka yalang ha ka 19 tarik uni u bnai yow pynsñiaw yei pyrchah yei wym leh MeECL ya iwon iwon wa emkaam wow thung kreh ya ki Jugali kamwa da kular.

Ya kani ka rai da chim hadien wa da booh ujor ki Jugali ya ka Meghalaya Energy Corporation Limited (MeECL) kiwa yakhun kaam Jugali hiewa ym em jubab ka MeECL yei dawa yong ki.

Ka yalang paidbah u  pynman ha madan Student, Jaiaw heiwa daw yachimbynta waroh ki Jugali nadooh ka Khasi Hills, Jaiñtia Hills wa na ri-loom Garo.

“I da chim i ya ka rai yow pynbor ya ka MeECL wow phah chithi thung kreh syndon ya kiwa emhok”, da ong u president ka KHNAM- Youth Wing u Thomas Passah ynne ka sngi.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Thomas da ong u wa i wa kut por wow thungkaam ya kiwa yaleh ya kani ka kaam daw sah kut noh ko u Naisaphra (August) tangwa ka MeECL ym em jubab ko yeini hadooh ynne ka sngi hadooh waka KHNAM da chim ko ka rai wow lai cha khmat kei yatoh wa ini.

Ka Meghalaya Energy Corporation Limited (MeECL) da pynbna ko ya ka result heiwa 772 ngut da mih pyrtuid kiwa da pass ya kani ka kaam Jugali nadooh u snem 2011.

Ye wow kdaw heini waka result da pynban 5 snem nachwa heiwa ka MeECL da thmu ko wow thung kreh noh ya kini ki bru.

Ya kiwa da leh bha da saam chithi wow thung kreh noh ya kiwa 466 ngut ha ka bynta wa ar wei yei bynta wa le won ympu em wa yoh chithi thung kreh.

“I dawa i na ka MeECL wow phah noh ko ya ki chithi thungkreh noh ya waroh wa em hok wow yoh yeini i kreh chwa wow kut i por” da ong u Passah.

U Passah da ong u wa da pynkhreh leh wow ujor da ka PIL hakhmat ka Yungbichaar ka Meghalaya High Court ka MeECL lada ym phah chithi thungkreh ka chwa ka 2 tarik u Naisaphra yong uni u snem.