Maham ka Khooid Myntdu wow lai cha ka yung bichaar lada ym leh ka sorkar iyi iyi

Ka Khooid Yaka Wah Myntdu kawa da sdang kamwa 5 bnai kattu toh ka wow kreh neibynta wow yada ya ka wah Myntdu heiwa da pynman ya kiwa boon ki kaam nadooh i lai pait wei i pynman yei pynsñiawthooh paidbah yei emkaam wow yada wei pynim biang ya ka wah.

Neiliang u Chairman, u Khroo Lamsalanki Pariat da pyntip u wa da lai yachem ki ya u CEM ka JHADC khnang wa ka Council u chimkhia ko wow tipmit noh ya ka Wah Myntdu, kamwa ka sorkar da leh ko ya ka Wah Umkhrah, Umshyrpi khnang wow ye u yada ya ka. 

Da ong u wa ka seiñ da tip ko wa ka NGT da e hukum ko wow sangeh ya waroh i kreh nadooh i tih moo tih chyiap ha chi lynter ka wah wei wot ki bor District leh da pynkrehkaam ki da ka 144 CrPC wow khang ya ki kaam wa ktah ya kani ka wah. 

Heiyatoh wa i noh khyndaw ha chi lynter u sarok chei liang ka wah nei kreh wow pynheh ya u sarok Dawki-Amlarem-Jowai Road nadooh Treiongriang hadooh Laad Muphlang wei ini i noh khyndaw da ktah i ya kani ka wah. Da ong u wa sñiawkmen neidaw wa uni u sarok toh uwa da chah ieh beiñ da ki boon snem uwa da sdang pynkreh noh katni, tangwa ha i lai pait da khyrngiat wow yoo wa ya i khyndaw wa da tih yow pynheh sarok ym em noh cha ki thaw wa da booh da ka chnat PWD tangwa da noh da pyntooid cha chariñ loom kiwa haap cha ka wah Myntdu wei ini pyndiaw ko ya i.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

“I leh yong i ym mut i du wow im ka wah Myntdu tangwa wot kiwa chong chnong ha talawiar yong ka kiwa chaniah ya ka um dih wei da chem leh wa ki paidbah da noh jhep ki harood u sarok wei ini i jhep ye i wow tooid cha kani ka wah,” da ong u Pariat.

Da ong u leh wa lada neiliang ka sorkar ym leh ko iyi iyi, daw chong pyrkhat wow lai pynsñiaw chadooh ka NGT lane cha ka High Court.

Hawa yaklam wa u Deputy Commissioner ka West Jaiñtia Hills District u Garod LSN Dykes hajrong i ujor ka seiñ, neiliang u DC da pyntip u wa da yaklam u wa ki Engineer ka chnat PWD, deiwa pynrap wa katkam ki kyndon da toh u yaklam hapyrdi ki Engineer wa ki Contractor tangwa neidaw wa em i khang sbak da slem noh ini wei kyrmen skem u wa ha ki sngi wow wan daw ye u yaklam che hajrong kini kiyi kiyi waroh.

Da ong u leh wa neidaw wa joor kiwa chah ktah ha u COVID-19 ha ka District, ya kiwi won ki chithi ka yung krehkaam ympu ye ko wow chimkhia neidaw wa hap pynduna ya kiwa wan kreh.