Jowai: Ka KSU Bangalore da pyntip ko wa da yoh ujor ki na ki kattu katni ki khynnah Khasi kiwa wan kreh cha Bangalore hadien wa dep yoh ki ya ka e sikai wa mynkna namo ka Free Training ha ki kattu katni ki thaw e sikai (Training Institute) wa em ha Meghalaya.
Kini ki khynnah toh kiwa da yoh sikai ha ki kaam waphær waphær kam haka Hospitality, Management, Tailoring, Embroidery, Fashion wa kiwi kiwi de tangwa manda poi ki cha Bangalore i kaam wa e ya ki wow kreh ki ym yahap katkam ka Training.
Em ki khynnah kiwa da yoh Training haki kaam wow pait wow pyllai yaki Hotel kiwa toh u kreh ha khmat (Front desk) da phah yaki wow sait tiar wei da pynkrehkaam yaki boon kynta wei i su won duna bha iwa ym yahap wa i kaam.
Kamtæ ka seiñ da kyntu ko ya ki khynnah wa thooh kreh wow thooh bniah bha ya ki jait Course wa lai puræ ki yow lait na i thok i chukor wei da maham ko leh yaki Institute wa em ha Shillong kiwa leh ya kini ki kaam.
Discussion about this post