Ka Khasi Students Union (KSU) Barato Unit da pynsñiaw ko yei sñiawkhia wa khroo heiyatoh wa i kit palatpood ki kari wa lai lyngba u sarok Barato-Laskeiñ khamtam wa ktah ya ka yingkieñ Myntang (Rymphum).
Ka KSU Barato Unit dei sñiawkhia ym yohsa ko wow chim ya ka luti wow booh dei maham wa eh ya ki kari kiwa kit palatpood kiwa lai luti na kani ka yingkieñ wei katkam wa man kattæ ki kari wa kit palat pood da pyrchang ki u lai dei miet dei synyaw tangwa lada lai ha iwon iwon i por leh i ktah man ko i jooh neibhah ka yingkeiñ da synjor bha ko wei da booh ko hei maa khamtam wa kani ka yingkieñ wa u sarok man ki u budloom ha waroh ki liang khamtam ha ka kjut ka chitom ya ki para wa chong chnong ha kini ki thaaiñ.
Ka KSU Barato Unit da maham joor ko ya kiwa leh pyrchah neibhah lada dooh ya uni u sarok wa khian kamjooh ya ka yingkieñ man ko i eh wa i dooh wa khroo ha kini ki thaaiñ yong i.
Ka sein da kyntu joor ko leh ya ki paidbah yong kani ka thaaiñ wow ya krehlang khnang yow ye u kdoh u khoom ya kiwa leh pyrchah, khnang u man ko ka luti syngkieñ yong i kawa lait nei wit i thut ha kiwa boon ki kaam kiwa kam kiwa chong chnong kani ka thaaiñ emkaam ki man-ka-sngi khamtam hei kjut hei chitom.
