Maham ka KSU wow pynhiar tput ya ki Karbi hadien wa chah maham ka jaitbru

Ka Khasi Student’s Union Laskein Circle da maham ko wow pynhiar tput ya ki Karbi lada jia iwon iwon wa sñiawsih ya ki paradoh parasnaam kiwa sah ha Block-I wa Block-II.

Ini toh hadien wa da poor i thoh wa da mih ha kawi ka WhatsApp Group kawa tip kam ka “No 9^th Amreng” heiwa uwi u bru wa tip donhi kam u Prophet Tisso uwa man leh kam u Chairman ka Medical PHC Jrikyndeng da thoh u wa lada jia iyi iyi lane em wa yap napyrdi ki Karbi neidaw u pood u ang, u Comingson Dkhar uwa naka chnong Moojem daw hap u wow bahkhlieh neibhah oo toh uwa pynbor ya ki Pnar wa sah hapoh Karbi Anglong wow rah cha Meghalaya deiwa pynbaad leh ya u Comingson uwa man kam u President ka Labang Nongphyllut Pangam Raliang Area Committee wa khang ya ki Pnar wow thap Vote haka Karbi Anglong Autonomous Council (KAAC) kawa dang dep wot u pynman.

Hajrong ini i maham utai u Prophet Tisso ya u Comingson Dkhar, neiliang ka KSU Laskein Circle da phah ko ya ka kyrwoh kawa che cha ki jaitbru Karbi wa lada jia iyi ya ki paradoh parasnaam yong i ha kitai ki thaaiñ, ka seiñ hi ym yohsa ko wow pynhiar tput kylla ya ki Karbi neibhah ka seiñ ym e laad ko ya ki paradoh parasnaam yong i wow dooh ki yei mynsien du neidaw wym bien ki u embynta hapoh ki Karbi khamtam wym bien ki u thap Vote ha Assam, da ong kiwa yahkhmat ka KSU Laskein Circle.

Heijooh i por ka seiñ da maham joor ko ya ka seiñ wa dang mih thymme ya kawa tip pyrtuid kam ka United Khasi People Organization wa yahkhmat da u Niwel War heiwa kani ka seiñ da chimkabu ko wow pynbiej yaki paradoh parasnaam wow pynyabi cha Karbi Anglong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong leh wa kani ka seiñ da thmu ko wow wanrah ya waroh ki Pnar kiwa sah ha Block-I wa Block-II neibynta wow dawa pynyoh bhah ya uwi na ki MDC hapoh ka Karbi Anglong Autonomous Council.

Kamtæ da ong wa ini i thmu wow paan bhah hapoh katai ka KAAC toh du i buit wow taan ya ki paidbah yong i wow psiah chapoh Assam wei ini da wan hadien wa ki paidbah ka Block-I wa Block-II da kyntait ki wow ya chimbynta haka Election wa dang dep yong ka KAAC.

Ka KSU Laskein Circle da maham leh ya kiwa yahkhmat katai ka seiñ wym toh u chimkabu wow chna seiñ hei pyrtuid yong ka jaitbru yow pynbiej yaki paradoh parasnaam yong i.