Maham ka KSU ya ki skur wa thaw puræ ki wym burom ya ki sngi kyrpang ka jylla

Jowai: Ka KSU seiñbei lyngba ka Education Cell da maham joor ko ya waroh ki thaw puræ kiwa em hapoh ka Bri u Ynñiaw Trep lada man kiwa pynlai da ka sorkar jylla, sorkar pyrdi namo kiwa pynlai da kiwon kiwon ki bru samen namo da ki seiñ wow burom ki ya ka ki sngi wa kyprang yong ka jaitbru kam ka Shad Suk Mynsien, ka Shad Nongkrem, ka Behdieñkhlam wa ha kam ki sngi wa khroo yong ki bru wa yaleh neibynta ka jaitbru kam u Syiem Tirot Sing, u Kiang Nangbah wa u Soso Tham.

Ka seiñ da ong ko wa ha kam kini ki sngi toh u burom ya ki wei ymhoi u pynman skur khnang wa kam ka jaitbru wow ye ki u kynmoo tympang ya ki bru wa khroo kamjooh ya ka dustur riti ka jaitbru.

Ka Education Cell da ong ko wa daw pait bniah ko wei daw leh ko leh ya iwa emkaam ya kiwon kiwon ki skur wa ki College, University kiwa leh pyrchah dei wym burom ya kam kine ki sngi wa kyrpang ka jaitbru.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024