Maham ka KSU ya ki yungkrehkaam ki wym kheiñkor ya ki sngi kyrpang hapoh jylla deiwa e nongmuna ya ka ICAR

Jowai: Ka Khasi Students’ Union (KSU) seiñ bei da e yumut ko ya waroh ki tnat krehkaam sorkar pyrdi wa ka jylla, ki Company wa kiwon kiwon ki Agency kiwa krehkaam hapoh ka bri u Ynñiawtrep hawa yatoh wa ka sngi wa kyrpang wa leh burom da ki paaid Khasi kam ka sngi u Tirot Sing, u Kiang Nangbah, u Wickliffe Syiem wa u Soso Tham kamjooh ki sngi lehniam ki Niamtre kam ka Behdieñkhlam ka Shad Nongkrem waka Shad Suk Mynsiem toh u burom ya ki wei toh u pynman kam ka sngi chuti.

Ha kam kini ki sngi ka sorkar ka da e chuti ko khnang wa ki paidbah u yoh ki wow ya chimbynta ha kini ki sngi wa kyrpang.

Tangwa ka seiñ da chem ko man ki por wa ki yungkrehkaam ki Company ym khein kor ki ya kini ki sngi wa kyrpang ka jaitbru deiwa pynman kreh bait ha kam kini ki sngi. Kamtæ ka seiñ ym yohsa ko wow pynyoo da ki kaam wow khang khyrdep ya kam kini ki thaw kreh kiwa leh pyrchah.

Ha uni u snem ka seiñ da yoo ko wa em ki kattu katni ki thaw wa mut wow pynman ya ka Good Friday kam ka sngi kreh kawa da ktah yei sñiaw ki Khristan iwa leh khlem da kheiñ yei ngait niam yong kiwi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ynne ha i yahkhmat u Banjop Maring, Publicity Secretary, KSU North Khasi Hills District Unit da lai ki wow tuklar ya ka yungkrehkaam ka ICAR ha Umiam hadien wa ka seiñ da yoh ko ya ka Circular yong ka ICAR kawa hukum wow wan kreh waroh ha ka sngi Good Friday ha ka 30 tarik waka Mahavir Jayanti kawa ha ka 29 tarik uni u bnai.

Hadien wa yahcem ka KSU ya u Chief Administrative Officer ka ICAR da pynmih u da kawi tawon ka Circular wow e chuti noh pyn-ar kini ki sngi.