Maham ka KSU ya kiwa tynyap khiar ya ki dakha ha ka wah Prang

Jowai: Ka KSU Hingaria Unit deilang wa ka KSU Khliehriat Circle da maham ki ya kiwon kiwon ki bru wa tynyap khiar ya ki dakha ki dohum deiwa e bih kamjooh deiwa tympdung da ki bom ha ka wah Prang kawa haap hapoh ka Rymbai Elaka wa ka Lakadong Elaka.

Kamjooh leh ka seiñ da kyrpaad ko ya kiwa chong chnong kiwa haap hapoh kani ka thaiñ wow sñiawbha ki u yakreh lang wow khanglaad ya ki bru wa chimkabu wow leh ya kini ki kaam tynyap dakha.

Lada chem ya kam kini ki bru da kyntu wow pyntip bait cha ka seiñ.

Kani toh katkam ka khubor na u S S Lamin, Publicity Secretary KSU Hingaria Unit