Jowai: Ka seiñ NEIPF-Narpuh Wing hapoh i yahkhmat u President yong ka u Yoomeki Kyndait wa ki dkhot ka seiñ, da yachem ki wa u President ka Meghalaya Cement Ltd. Topcem hadien i jia haka miet 8 tarik uni u bnai heiwa uwi u chipai BSF uwa tip pyrtuid kam u Depenkar Ghosh da mut u wow thombor ya kawi ka kynthai ha Laad Goldstone.
Ka seiñ da maham ko ya u President ka Meghalaya Cement Ltd wa neini cha khmat wa ym toh de wow e thaw klumar ko ya ki BSF hapoh u pood u ang ka karkhana wow chong wow sah ki.
Neiliang u heh kani ka Company da kular u hakhmat ka seiñ wa neini cha khmat ym e thaw de ya ki wow sah ki khlem yohbor na ki bor District wa na kiwa pait ya ka aiñ.
Ka seiñ da maham ko leh ya waroh ki karkhana wa lada chem wa chah ki u sah kulmar kiwon kiwon ki chipai namo ki bru samen khlem yohbor na ka aiñ, ka seiñ daw pynchitom ko ya ki katkam ki kyndon yong ka aiñ.
Da kyrpaad leh ya ki bor wa toh u pait ya ka aiñ wow pynchitom ya ki katkam ki kyndon yong ka aiñ.
Discussion about this post