• About Us
  • Contact Us
  • Privacy Policy
  • Advertise With Us
  • Terms & Conditions
Friday, May 30, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Uncategorized

Maham ka sorkar wow pyndooh baam, ku kiwa em Aadhaar cha 78.21% ha Meghalaya

Wyrta Staff by Wyrta Staff
June 15, 2023
Reading Time: 3 mins read
A A
0
Share on FacebookShare on Twitter

Hadien wa khuslai ya dooh yei bhah yoh yarap baam na ka sorkar hapoh ka Supplementary Nutrition Programme heiwa ka sorkar pyrdi lyngba ka Ministry of Women and Child Development da ong ko wa daw e du 10% i baam na iwa toh u yoh lada ymem Aadhaar nadooh ki manbei wa punkhon, wa e bu khon wa kamjooh ki khonboo wa ki khynnah kiwa nadooh 0-6 snem i rta.

Neiliang ka Social Welfare Department ka Meghalaya da pynman ko yei thap pyrtuid hapoh u Aadhaar neibynta waroh kitu kiwa em hok wow yoh myntoi hapoh kani ka Scheme kiwa daw mih pyrtuid hapoh ka POSHAN Tracker yow pyntikna kiwon kiwa toh u yoh yei baam hapoh ka Supplementary Nutrition ha ki Anganwadi Centre.

Ya ini da leh hapoh chi bnai wei da ku kiwa em Aadhaar hapoh ka jylla na 13% cha 78.21% hapoh chi bnai hadooh ynnin ka sngi.

Ki District ka Garo Hills da wan bha ki chakhmat hapyrdi i chit ka sngi kamjooh i dooh bordiñ yow pynyoo wa waroh toh iwa ye u leh. Da em leh 3 tylli ki District na Garo Hills kiwa da tam 95% kiwa em Aadhaar wa ar tylli won kiwa da em kamwa 90%.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki District ka Jaiñtia Hills leh da lehbha ki heiwa ha West Jaiñtia Hills da ku cha 80.14%, ha East Jaiñtia Hills 89.65% katwa ha Ri Bhoi won 84.68%.

Kiwa rap tlot toh ha East Khasi Hills (69.85%), ka South West Khasi Hills (56.28%) wa ha West Khasi Hills (34.99%). Waroh kiwa da em pyrtuid hapoh u Aadhaar hapoh ka jylla kiwa toh u yoh myntoi na ka Scheme ICDS katu da em ki 78.21% na waroh ki 4.45 lak ngut kiwa toh u yoh myntoi. 

Ki Deputy Commissioner yong waroh ki District da hap ki wow sai ki buit wa thymme yow pynchlur ym du ya ki wakreh yow bien ki bru wow wan chakhmat yow leh yeini.

Neiliang ka Social Welfare Department da e khublei ko ya waroh ki Deputy Commissioner wa ki sahep ka Social Welfare, ki DPO ki ICDS , ki CDPO wa Anganwadi Worker deilang wa ki Helper kiwa da lehbha yow pynman ya kani ka thap pyrtuid hapoh Aadhaar kawa jop hajrong ka phang kreh wa ong “No Aadhaar Saturation , No Rest”.  

U Principal Secretary ka Social Welfare, u Sampath Kumar da kular u wow u khusnaam ya ini wa da ye u leh.

ShareTweetSendShare
Previous Post

Da pynlait 3 bnai u khoo Mid-Day Meal ha East Jaiñtia Hills

Next Post

Ka Kñia E Ngooh ya ki Soo-Dwar Soo-Luti wa ya ka Tawiar Takan

Next Post

Ka Kñia E Ngooh ya ki Soo-Dwar Soo-Luti wa ya ka Tawiar Takan

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar