U Symbood Montri Rangbah ka jylla uwa pait ya ka Kaam Pohyung, u Prestone Tynsong da maham u deiwa eh ya ki bru wa pynemkaam bakla ya ki Siren wei biah yit yong ya ki kari wei pynleh kam ki bru VIP yong ka jylla.
Da ong u wa ka sorkar ym chah ko ya kiwon kiwon ki bru khlem da yoh bor wow biah yit yong wei wow booh Siren wei lada chem daw pynchitom bait deiwa khor katkam ka aiñ.
Hawa yatoh wa ki VVIP wa VIP, da ong wa em ki bru kiwa pynemkaam bakla yei bor wei da pyntip leh wa da pynkhreh ya ki SOP kiwa da jan dep u leh yow pyntikna wym em kam kattæ ka ‘VVIP Culture’, lait noh du kitu ki bru wa da tipmit wei kiwa em hok katkam i bor wa ka kyrdan wa em ki.
Kam wow pynkynmoo wa ha ka 5 tarik uni u bnai yong ka tayaaw wa dadep, ki pulit da kem noh ki ya uwi u bru deilang wa 12 ngut kiwa bood ya oo kam ki Bodyguard kiwa lai da ki kari syad dor ha kylleiñ ka sor kamwa lai ki heh ki haaiñ wei hadien wa ksoh ya ki da kem leh ya 5 tylli ki suloi Air Gun kiwa da chimkti da ki pulit.
Discussion about this post