Shillong : Ka sorkar jylla lyngba ka tnat Home (Police) Department da pyntip ko wa em ki kattu katni ki bru kamjooh ki company wa chah khrong poisa ha ka GNLA ka wa tip leh kam ka Terrorist Organization hapoh ka aiñ Unlawful Activities (Prevention) Act 1967.
Da em ki heh yong ka GNLA kiwa da pynkup kaam ya ki du wow khrong poisa na ki bru samen wei da phah su ya ki ha i dur yong ka “Annual Tax” yong u snem 2016-17.
Katkam i ong ka sorkar ka GNLA kattæ em ko hei duna poisa wa joor bha wei yow yoh poisa ko daw leh ko katwa ye yow pynbiang yeiwa emkaam ko nadooh wow thied suloi wei wow thap dkhot thymme.
Ka sorkar ong ko wa chimkhia bha ko ya ini wei da pynchlur ko ya waroh wym hoi u su ki chi tyngka leh neibhah deiwa wa su ki man ko kam wow pynchlur ya ka GNLA wow leh ko yei kaam wa sih wa pyrchah ya ka imlang sahlang.
Ya kiwa krehlang wa ka GNLA namo kawon kawon ka seiñ Terrorist ye ki u chahkem wei u chah kset hadooh 14 snem wei ye ki u dooh leh ya waroh ka poisa yong ki.
Da ong chooh leh lada sdang u su daw chah paan poisa ki dei langær kamtæ lada em kiwa chah phone, yoh ki SMS, e-mail wa kiwi wa chah dawa poisa ki, na kam kini ki seiñ toh u pyntip cha ki Police wei ya i pyrtuid kiwa krehlang wa ki Police wow yarap kem ya kiwa dawa poisa daw murieh ya ki.
Discussion about this post