Ka chnat i chait i khiah yong ka jylla da maham ko ya ki bru wa da phah wow chong bait ha ki jar jiar ki yung (Quarantine) wa ym toh wow yaleh pyrchah deiwa mih wow yakhleh wa kiwi won katwa ym pu kut i por wa 14 sngi.
U Director ka Health Services (DHS), u Dr. A. War da ong u wa lada kitu ki bru kiwa da phah wow chong bait ha yung ym kohngooh ki, ka chnat daw hap ko wow taan noh yaki wow booh ya ki ha ki thaw kyrpang wa da pynkhreh hi da ka sorkar. Da kyntu leh ya ki waheh chnong wa toh u pyntikna wa kitai ki bru u kohngooh ki ya ini i phah ka sorkar wa lada ym ya krehlang, ka dorbar chnong toh u pyntip cha ki bor ka chait ka khiah yow lai taan chwa ki chipor.
Ha i jooh i por, u DHS da ong u wa kitu ki bru kiwa leh ya ka ‘Self Quarantine’ ym ye ki wow e Certificate pyn da ki yaki hi namo wow kam wa da pyndep ki ya ka 14 sngi, tangwa hap ki wow yoh na ki District Surveillance Unit.
Discussion about this post