Jowai : Ki paidbah na ki chnong waphær waphær ka West Jaiñtia Hills ynne ka sngi wa ki sngi wa dadep da dap ki dei mynsien wa chrai ya kiwa kreh ka Jowai Civil Hospital Ialong neibhah ym em u chimkhia ki ya kiwa na palatchnong wa kiwa wan na jngai khamatam neibynta ki Birth Certificate.
“Ya ini da chem boonsien da ki paidbah na ki chnong waphær waphær wym biang por wei slah kusa kiwa kreh ya ki paidbah na palat chnong heipor wa wan yaleh ki ya ki Birth Certificate yong ki khon yong ki” da ong u President ka WJNC u ma PS Phawa.
Neiliang ka seiñ dap ko dei mynsien wa khia wei mynsien wa chrai ya kini ki wakreh ha kani ka Hospital hajrong wow slem wei wow pyndooh iwa emkaam ki paidbah.
Hei yatoh weini ka seiñ da ong ko wa ye ko u hiar heiwon iwon i por cha kani ka thaw sumaar yow yoo da ki khmat yong ki hi hei yatoh wei rukom kreh kani ka thaw katkam wa da kynnoh da ki paidbah wei da maham ko leh wa lada chem ko yeini wa man i iwa sakhiat ye ko u lai chaphrang khnang wa kini kiwa kreh u chah pynchitom ki.
Heijooh i por ka seiñ da kular ko wow yachem wa ka Superintendent kani ka thaw sumaar ka Dr. Pasweth khnang yow pynsuk ya kiwa boon wa lang ki paidbah wei heijooh i por ka seiñ da ong ko wa lada ini dang pteiñ i neiliang yong ka ym swe ko u lai yachem wat ya u Montri ka Health Deptartment u ma AL Hek hei yatoh weini.
Kani toh katkam ka khubor wa da pyllait da u President ka WJNC u ma PS Phawa.
Discussion about this post