Ka KSU West Jaiñtia Hills District Unit ha ka 11 tarik uni u bnai da yachem ko wa u DC yong ka West Jaiñtia Hills District hajrong i chah maham ki paradoh parasnaam yong i ha ki dkhot ka Karbi Students Association (KSA) yow khang ya ki wow chimbynta ha kani ka Election MDC cha ka JHADC deiwa kam wa kini ki chnong wa em hapoh ka Block-I dang haap ki chapoh ka jylla Assam.
Ka KSU West Jaiñtia Hills District Unit da maham ko leh ya ka KSA deiwa ong wa waroh chi kattu da suki hi-eh i wei kani toh ka sien wa khaddooh wa lada jia iyi iyi neini chakhmat ya ki bru i ha ki thaaiñ khappood, ki Karbi hap ki wow chim yei bahkhlieh wei lada jia iyi iyi ya ki Karbi leh toh ki hi wow bahkhlieh.
Kamtæ da ong wa da toh i por ya ka KSA wow dam ko u maham ya ki jaitbru yong i wei kattu ym em de i neh chah ya ki dkhot ka KSA wei ym em de i yasuk wei wow yaklam wa ki, wei lada leh ki ya iwon iwon daw yoh ki yei su kylliang.
Heijooh i por da ong wa kam ki jaitbru ri-loom ym em kwah ki wow mih iwon iwon i kynaad tangwa ki Karbi ym em kwah ki wow ya krehlang tangwa kwah bait ki wow thooh kajia ya ki jaitbru neibhah wa i kwah i yei suk i saaiñ.
Hei yaklam wa u DC da kular u wow chimkhia wei ym e laad wow mih iwon iwon i kulmar wei wow e yei yada khnang wa ki bru yong i daw yoh ki wow pyndep yei hok ki.
Ka seiñ da kyntu ko leh ya ki paidbah wym toh u tieñ wei wow mih ki chakhmat yow man kiwa yatylli wei wow pyndep yei kaamram yong ki wei ka seiñ leh u em ryngkat ko wa ki kamwa jooh man ha kiwi won ki por.
Discussion about this post