Ka seiñ JSM-ER hapoh i yahkhmat u Shnalad Rymbai haka kyrwoh khubor wa da phah u da ong u wa neidaw wa u DC ka East Jaiñtia Hills District ym em chimkhia u yei dawa ka seiñ wow pynkhooid ya waroh ki Hotel wa em ha Ladrymbai. Ka JSM da rai ko wow lai chakhmat yow khang ya kini ki Hotel ha kani ka tayaw wow wan.
Ka seiñ da ong ko wa u DC ym em chimkhia u yei chemchitom kiwa chong chnong khamtam kitu kiwa chong wa sah cha jan kini ki Hotel, neidaw wa ki Bus kiwa yieñ hakhmat kini ki Hotel toh kiwa wan naki Red Zone wei piahnood u pait waka District da em ko ha kyndian wow yoh COVID-19 neidaw wa wan kini ki bru daka Bus kiwa ym em bood yaka aiñ wow leh yaka Social Distancing ha ki thaw paidbah, heiwa da em leh kiwa ym em deiñ yaki Mask næ kiwa pynemkaam sap-kti manda yachem ki wa kiwi ki bru.
Chooh chooh ka seiñ da ong ko leh wa kini ki bru noh ki yaki tiar ki tar wa da dep pynemkaam ki kat chawa yoh iwa da booh hei maa ya kiwa chong chnong neidaw wa kini ki bru wa lai luti ym ye wow ong deiwa tikan wa ym toh kiwa ym em COVID-19.
Kamtæ lada u DC ym leh u iyi iyi ha kani ka tayaw wow wan, ka JSM daw khang ko ya kini ki Hotel ha Ladrymbai deilang wa kiwi ki Hotel hapoh District.
