Ha ka miet yong ka 28-04-22 ka KSU West Jaintia Hills District Unit da hiar ko cha CHC Ummulong heipor chiteiñ synyaw hadien wa ka seiñ da yoh ujor ko na kawi ka manbei hajrong i wym bien ki u pdiang ya i khon yong ka wow sumaar wot tang wow pait leh.
Mar sien yoh yaka ujor, ka KSU da lai ko wut wut cha kani ka thaw sumaar yow lai yaklam ha katai hi ka miet wei da chem wa ki wakreh deilang wa ki Doctor yong katai ka CHC da e ki chiboon ki daw heiwa neiliang yong ka KSU da e ko yei maham wa khaddooh wa ym toh de wow jia kamni ya ki paradoh parasnaam yong i.
Kani ka manbei da pynkit noh ko yei khon cha ka Civil Hospital.
Neiliang ka seiñ da pynbaad ko leh wa ki wakreh ka CHC ym em biang i rukom kreh heiwa hei thaw wow e dei inject da e pathan da ka drip, heithaw ka drip da e da kiwi ki dawai heiwa yeini da chem dei wan sylli ya kani ka thaw sumaar na ki por cha ki por.
Heijooh i por da ong wa lada em iwa ym ye ki u sumaar heini, ym phær ye ki wow phah cha kiwi ki thaw sumaar tangwa iwa chem ha kani ka miet toh wa duna nadong chadong nadooh ki Doctor, ki wakreh wym em chimkhia ki yei kaam yong ki nadooh i rukom wan kreh heiwa da em ki sngi wym em Doctor, em Nurse lane duna Nurse.
Kamtæ ka seiñ da ong ko wa lada dang chem biang ya kam ini, daw khang tala ya chisyndon ya kani ka CHC.
