Maham ki Hindu wym yoh u lai cha krem Mawjymbuiñ wow khang ya ki sarok wa lai cha Meghalaya

Hadien i rai yong ka Dorbar Chnong Mawsynram wym chah ya ki Hindu wow lai mane Blai ha krem Mawjymbuiñ ha ka 10 wa 11 tarik uni u bnai, wei ya ini i rai da yoh leh yei kyrchaan na kiwa boon walang hapoh ka jylla wa kynthup na u Montri Sorkar, u Paul Lyngdoh, kiwa mihkhmat paidbah wei kamjooh na ki seiñbhalang waphær waphær.

Tangwa ini i rai ka dorbar chnong ym pdiang da ka Hindu-Kutumba Surakshya Parishad (KSP) heiwa ynne ka sngi da maham ki wow khang syndon ya u sarok wow psiah cha Meghalaya kam ka dak wow pyrchah hajrong i khang ya ki para wa ngait Hindu wow lai lehniam ha krem Mawjymbuiñ.

Hawa klam cha ki laad pathai khubor ha Guwahati Press Club, u President ka KSP, u Satya Ranjan Borah da ong u wa kwah ki yei jubab na ki bor wa pait ya ka jylla Meghalaya, lym kamtæ ka sorkar Meghalaya daw maad ko yei yakhih ha Assam iwa ye u man hei dur i khang sarok wa lai cha Meghalaya lyngba ka Jorabat (Guwahati), Paikan (Goalpara) wa kiwi kiwi ki sarok.

U Borah da maham u leh ini toh iwa daw leh ki neidaw wa pyrchah ya ki Hindu, wei ong u wa lada sdang ki wow leh iyi iyi, ka Meghalaya ym yoh por tang wow khih khohreh.

Related posts

Pyrchah ka India yei thmu ka IMF wow e yarap poisa ya ka Pakistan da ki Billion Dollars

May 9, 2025

Sangeh yakhih ka MCTODA | Da e por ya ki karkhana Coke 10 sngi

May 9, 2025

U Borah da ong wa ka yung krehkaam u Prime Minister ka ri India wa ka yung krehkaam u Secretary General ka United Nation toh u kylli ki ya u Montri Rangbah ka Meghalaya wei wow pynche ya ka yurim ka sorkar jylla.

Da ong u wa ki kam ka seiñ da kyntu ko ya ka sorkar Meghalaya wow pyndam noh yeini i khang wei toh u pynbait bha yei wan mane ya u Shiv Ling da ki paaid Hindu yow lehkmen ya u bnai wa kyrpang wa tip kam ka Shraban.

Da ong chooh chooh wa ka krem Mawjymbuiñ da em ko ya u moo wa mandur kam u Shiv Ling wei toh ka thaw mane yow leh Sadhana ki Hindu wei kani em ko leh ha Meghalaya, hawa kiwa boon ki para wa ngait Hindu da jooh lai ki cha kani ka thaw wow lehniam man-u-snem khamtam ha u bnai ka Shravan.

U Borah da kylli u leh ya ka jylla Meghalaya kawa boon ki Christan, deiwa ong wa da yoo wa boon bha ki bru kiwa man ki paaid Christan wa kattu katni ki seiñbhalang yong ka jylla wa synchaar da ki Missionary Christan, kiwa khang ya ki Hindu wow lai mane Blai ha krem Mawjymbuiñ.